"Manchester Yunayted" himoyachi Lyuk Shou bilan shartnomani uzaytirish bo‘yicha muzokaralarni to‘xtatdi, deb xabar beradi The Telegraph.

Manbaga ko‘ra, mankunianliklar klubi rahbariyati yangi bosh murabbiy Erik ten Xagning futbolchi bilan shaxsiy uchrashuvini kutib, shundan so‘ng bir qarorga kelmoqchi.

26 yoshli angliyalikning "qizil iblislar" bilan amaldagi shartnomasi 2023 yilning yoziga qadar mo‘ljallangan. Transfermarkt portali chap qanot himoyachisini 42 million yevroga baholamoqda.

Shou 2014 yildan beri “Manchester Yunayted” safini himoya qilib kelmoqda. Joriy mavsumda futbolchi mankunianliklar safida 27 ta o‘yin o‘tkazib, 5 ta golli uzatmani amalga oshirgan.