"Манчестер Юнайтед" ҳимоячи Люк Шоу билан шартномани узайтириш бўйича музокараларни тўхтатди, деб хабар беради The Telegraph.
Манбага кўра, манкунианликлар клуби раҳбарияти янги бош мураббий Эрик тен Хагнинг футболчи билан шахсий учрашувини кутиб, шундан сўнг бир қарорга келмоқчи.
26 ёшли англияликнинг "қизил иблислар" билан амалдаги шартномаси 2023 йилнинг ёзига қадар мўлжалланган. Transfermarkt портали чап қанот ҳимоячисини 42 миллион еврога баҳоламоқда.
Шоу 2014 йилдан бери “Манчестер Юнайтед” сафини ҳимоя қилиб келмоқда. Жорий мавсумда футболчи манкунианликлар сафида 27 та ўйин ўтказиб, 5 та голли узатмани амалга оширган.
