Calciomercato xabariga ko‘ra, "Arsenal" va "Atletiko" "Udineze" yarim himoyachisi Nauel Molinaga qiziqish bildirmoqda.

Manbaga ko‘ra, 24 yoshli argentinalik uchun kurashda londonliklar favorit bo‘lib, futbolchiga Turinning "Yuventus" klubi ham qiziqish bildirmoqda.

Futbolchining Italiya klubi bilan amaldagi shartnomasi 2026 yilning yoziga qadar mo‘ljallangan. Molina Transfermarkt tomonidan 10 million yevroga baholangan.

Yarim himoyachi joriy mavsumda “Udineze” safida 36 ta o‘yinda maydonga tushib, 8 ta gol urdi va 4 ta golli uzatmani amalga oshirdi.