Turinning “Yuventus” klubi yozda jamoa faxriysi Jorjio Kyellini bilan xayrlashadi. Tajribali futbolchi Italiyani tark etib, MLSga yo‘l oladi va u yerda "Los-Anjeles Gelaksi" klubida o‘ynaydi.
La Gazzetta dello Sport nashrining xabariga ko‘ra, "keksa sinyora" uning o‘rnini bosish uchun bir nechta variantni ko‘rib chiqmoqda. "Arsenal" himoyachisi Gabriyel va "Napoli" vakili Kalidu Kulibali nomzodlar ro‘yxatidan joy olgan. Antonio Ryudigerga "Yuventus" ham qiziqish bildirgandi, ammo nemis futbolchisi "Real"ni tanlagan.
Eslatib o‘tamiz, Kyellini 2005 yildan beri turinliklar safini himoya qilib kelayotgandi.
