Italiya chempionati yakunlanishiga oz muddat qolmoqda. Chempionatning asosiy favoriti "Milan" bo‘lib, "rossonerilar" “Sassuolo”ga qarshi maydonga tushadi. Pioli shogirdlari chempionatda g‘alaba qozonishi uchun oxirgi turda durang o‘ynashi kerak.
Agar, "Milan" A seriyada g‘alaba qozongan taqdirda, futbolchilar 200 000 yevro miqdorida qo‘shimcha bonus oladi, deb xabar beradi La Repubblica.
Biroq matbuot futbolchilarni bo‘shashmaslik haqida ogohlantirmoqda. Sababi, milanliklar birinchi davrada o‘z maydonida “Sassuolo”ga 1:3 hisobida imkoniyatni boy bergan.
Ma’lumot o‘rnida, Pioli jamoasining chempionatdagi yagona raqibi "Inter" bo‘lib, hamshaharini ikki ochko ortda qoldirmoqda.
"Milan"ning "Sassuolo"ga qarshi o‘yini 22-may, yakshanba kuni Toshkent vaqti bilan soat 21:00da boshlanadi.
