Италия чемпионати якунланишига оз муддат қолмоқда. Чемпионатнинг асосий фаворити "Милан" бўлиб, "россонерилар" “Сассуоло”га қарши майдонга тушади. Пиоли шогирдлари чемпионатда ғалаба қозониши учун охирги турда дуранг ўйнаши кифоя қилади.
Агар, "Милан" А серияда ғалаба қозонган тақдирда, футболчилар 200 000 евро миқдорида қўшимча бонус олади, деб хабар беради La Repubblica.
Бироқ матбуот футболчиларни бўшашмаслик ҳақида огоҳлантирмоқда. Сабаби, миланликлар биринчи даврада ўз майдонида “Сассуоло”га 1:3 ҳисобида имкониятни бой берган.
Маълумот ўрнида, Пиоли жамоасининг чемпионатдаги ягона рақиби "Интер" бўлиб, улар ҳамшаҳарини икки очко ортда қолдирмоқда.
"Милан"нинг "Сассуоло"га қарши ўйини 22-май, якшанба куни Тошкент вақти билан соат 21:00да бошланади.
