"Napoli" bosh murabbiyi Luchano Spaletti uning jamoasi yozgi transfer bozorida ham o‘z yetakchilarini saqlab qolish niyatida ekanini aytdi. Qolaversa, neapolliklar yangi o‘yinchilarni xarid qilish orqali o‘z ambisiyalarini kuchaytirmoqchi.

"Kimdir "Napoli"dan asosiy futbolchilarni olib ketishga harakat qiladi, ammo biz tarkibni kuchaytirmoqchimiz. Biz katta ambisiyalarga ega jamoa tuzmoqchimiz. Biz buning ustida ishlayapmiz. Keling, qanday imkoniyatlarimiz borligini ko‘rib chiqaylik. Nima bo‘lishidan qat’iy nazar men jamoani yaxshi ko‘raman», - dedi Spaletti matbuot anjumanida.

Eslatib o‘tamiz, "Napoli"dagi birinchi mavsumida Luchano Spalletti klub bilan A Seriyada uchinchi o‘rinni egalladi va klubni Chempionlar ligasiga qaytardi.