20 may kuni “Andijon” o‘z maydonida “Buxoro”ga qarshi juda muhim o‘yinini o‘tkazadi. Bo‘lajak uchrashuvga qiziqish katta.

Kecha Toshkentda Italiya futboli afsonalariga qarshi uchrashuvda o‘zbek futboli afsonalari tarkibida to‘p surgan sobiq futbolchilar ham bizning andijonliklarga befarq emas.

Jumladan, o‘sha siz yaxshi bilgan Aziz Haydarov, Server Jeparov, Farhod Tojiyev va Anzur Ismoilov “Andijon” matbuot xizmatiga bo‘lajak bahs oldidan omad tilashgan holda videomurojaat yo‘lladilar.

Bundan shuni bilish mumkinki, ular ham jamoani kuzatib borishmoqda. Aziz Haydarov esa o‘zining ezgu tilaklarini ham bildirib o‘tdi.

“Assalomu alaykum. “Andijon” futbol klubi muxlislariga salomlarimizni yetkazamiz. Jamoangizni qo‘llab-quvvatlashdan to‘xtamanglar. “Andijon” oxirgi uchta o‘yinda ajoyib g‘alabalarga erishdi, kambeklar evaziga. Xudo xohlasa, bu yog‘iga ishqibozlarini qiynashmaydi. Gollarni urib oldinda hal qilishadi.

“Andijon” jamoasiga omad tilaymiz. Biz sizlarni qo‘llab-quvvatlaymiz. Baxtimizga muxlislar har doim sog‘-salomat bo‘lishsin. “Andijon” futbolchilari ishqibozlari uchun o‘ynashda davom etib, to‘xtashmasin. Sizlarga g‘alabalar yor bo‘lsin. “Andijon” jamoasida Superligada o‘ynash uchun hamma imkoniyatlar bor, - dedi Haydarov, o‘zining videomurojaatida.