20 май куни “Андижон” ўз майдонида “Бухоро”га қарши жуда муҳим ўйинини ўтказади. Бўлажак учрашувга қизиқиш катта.

Кеча Тошкентда Италия футболи афсоналарига қарши учрашувда ўзбек футболи афсоналари таркибида тўп сурган собиқ футболчилар ҳам бизнинг андижонликларга бефарқ эмас.

Жумладан, ўша сиз яхши билган Азиз Ҳайдаров, Сервер Жепаров, Фарҳод Тожиев ва Анзур Исмоилов “Андижон” матбуот хизматига бўлажак баҳс олдидан омад тилашган ҳолда видеомурожаат йўлладилар.

Бундан шуни билиш мумкинки, улар ҳам жамоани кузатиб боришмоқда. Азиз Ҳайдаров эса ўзининг эзгу тилакларини ҳам билдириб ўтди.

“Ассалому алайкум. “Андижон” футбол клуби мухлисларига саломларимизни етказамиз. Жамоангизни қўллаб-қувватлашдан тўхтаманглар. “Андижон” охирги учта ўйинда ажойиб ғалабаларга эришди, камбэклар эвазига. Худо хоҳласа, бу ёғига ишқибозларини қийнашмайди. Голларни уриб олдинда ҳал қилишади.

“Андижон” жамоасига омад тилаймиз. Биз сизларни қўллаб-қувватлаймиз. Бахтимизга мухлислар ҳар доим соғ-саломат бўлишсин. “Андижон” футболчилари ишқибозлари учун ўйнашда давом этиб, тўхташмасин. Сизларга ғалабалар ёр бўлсин. “Андижон” жамоасида Суперлигада ўйнаш учун ҳамма имкониятлар бор, - деди Ҳайдаров, ўзининг видеомурожаатида.