"Leypsig" yarim himoyachisi va Avstriya terma jamoasi futbolchisi Konrad Laymer Angliya Premyer-ligasida o‘ynashni orzu qiladi. Jurnalist Kristian Falk bergan ma’lumotlarga ko‘ra, yarim himoyachi aynan shu chempionatda o‘ynamoqchi.
Avvalroq “Manchester Yunayted” va “Liverpul” Laymerga da’vogarlik qilayotgani xabar qilingandi, biroq ayni paytda “Bavariya” avstriyalik yarim himoyachining transferi bo‘yicha asosiy favorit hisoblanmoqda, uning sobiq ustozi Yulian Nagelsmann u bilan yana birga ishlashishni xohlamoqda.
Laymerning transfer narxi 20 million yevroga baholanmoqda. Lekin shu bilan birga "buqalar" uni “Bavariya”ga sotmoqchi emas.
