"Лейпциг" ярим ҳимоячиси ва Австрия терма жамоаси футболчиси Конрад Лаймер Англия Премьер-лигасида ўйнашни орзу қилади. Журналист Кристиан Фалк берган маълумотларга кўра, ярим ҳимоячи айнан шу чемпионатда ўйнамоқчи.
Аввалроқ “Манчестер Юнайтед” ва “Ливерпуль” Лаймерга даъвогарлик қилаётгани хабар қилинганди, бироқ айни пайтда “Бавария” австриялик ярим ҳимоячининг трансфери бўйича асосий фаворит ҳисобланмоқда, унинг собиқ устози Юлиан Нагельсманн у билан яна бирга ишлашишни хоҳламоқда.
Лаймернинг трансфер нархи 20 миллион еврога баҳоланмоқда. Лекин шу билан бирга "буқалар" уни “Бавария”га сотмоқчи эмас.