"Manchester Yunayted" futbolchilari klub rahbariyatidan mavsum yakunida an’anaviy kechki ovqatni bekor qilishni so‘rashdi.
The Mirror nashri xabariga ko‘ra, "Qizil iblislar" futbolchilari muvaffaqiyatsiz natijalar sababli, mavsum yakunlanganidan keyin an’anaviy kechki ovqatdan voz kechishga qaror qilishgan.
Eslatib o‘tamiz, ayni damda "qizil iblislar" Ralf Rangnik qo‘l ostida Angliya chempionati jadvalida oltinchi pog‘onani egallab turibdi. "Mankunianliklar" mavsum oxirida turnir jadvalida yanada pastga tushishi va hatto Yevropa ligasi uchun yo‘llanmani qo‘lga kirita olmaslik xavfi bor.
Yozda manchesterliklar jamoasini avval “Ayaks” bilan muvaffaqiyatli ishlagan niderlandiyalik murabbiy Erik ten Xag boshqaradi.
