"Манчестер Юнайтед" футболчилари клуб раҳбариятидан мавсум якунида анъанавий кечки овқатни бекор қилишни сўрашди.
The Mirror нашри хабарига кўра, "Қизил иблислар" футболчилари муваффақиятсиз натижалар сабабли, мавсум якунланганидан кейин анъанавий кечки овқатдан воз кечишга қарор қилишган.
Эслатиб ўтамиз, айни дамда "қизил иблислар" Ральф Рангник қўл остида Англия чемпионати жадвалида олтинчи поғонани эгаллаб турибди. "Манкунианликлар" мавсум охирида турнир жадвалида янада пастга тушиши ва ҳатто Европа лигаси учун йўлланмани қўлга кирита олмаслик хавфи бор.
Ёзда манчестерликлар жамоасини аввал “Аякс” билан муваффақиятли ишлаган нидерландиялик мураббий Эрик тен Хаг бошқаради.
