"Real Madrid" yozgi transfer oynasida parijliklar bilan shartnomasini 2025 yilgacha uzaytirgan "PSJ" hujumchisi Kilian Mbappening transferi buzilganidan keyin birinchi navbatdagi transfer maqsadi haqida qaror qabul qildi, deb xabar beradi Marca.
Manbaga ko‘ra, "Qirollik klubi" "Monako" yarim himoyachisi Aureliyen Tchuameni bilan shartnoma imzolamoqchi.
22 yoshli fransuz 2020 yilda "Monako"ga 18 million yevro evaziga "Bordo" safidan borib qo‘shilgan edi. Transfermarkt yarim himoyachining hozirgi bozor qiymatini 40 million yevroga baholagan.
Tchuameni joriy mavsumda barcha turnirlarda 50 ta o‘yinda maydonga tushib, 5 ta gol urdi va 3 ta golli uzatmani amalga oshirdi. Futbolchining “Monako” bilan shartnomasi 2024 yilda yakuniga yetadi.