Angliyalik qanot himoyachisi Aaron Uan-Bissaka va Erik Bayi yozgi transfer oynasida “Manchester Yunayted”ni tark etishadi.
Taniqli insayder Fabrisio Romanoning so‘zlariga ko‘ra, Erik ten Xag boshchiligidagi Manchester jamoasining yangi murabbiylar shtabi bu yozda jamoani keng ko‘lamli tozalashni tashkil qilmoqchi. Yangi klub qidirishni boshlagan Uan-Bisaka va Bayi ketish uchun birinchi da’vogarlar sanaladi.
Eslatib o‘tamiz, joriy mavsumda Uan-Bissaka Angliya chempionatida 20ta o‘yinda maydonga tushdi, ammo samarali harakatlari bilan gol ura olmadi. Bayi bor-yo‘g‘i to‘rtta uchrashuvda maydonga tushdi.
