"Vulverxempton" yarim himoyachisi Ruben Nevesh o‘zining kelajagi haqida fikr bildirdi. Eslatib o‘tamiz, avvalroq "Barselona" portugaliyalik futbolchiga qiziqish bildirayotgani haqida xabar berilgandi.

“Futbolchining faoliyati juda qisqa. Har birimizning o‘z vaqtida amalga oshishi kerak bo‘lgan orzularimiz bor. Keling, keyin nima bo‘lishini ko‘ramiz. Men bu haqda ko‘p gapira olmayman», - dedi Nevesh Football Espana bilan suhbatda.

25 yoshli Neveshning ingliz klubi bilan shartnomasi 2024 yilning yoziga qadar mo‘ljallangan. Transfermarkt  portali Portugaliya terma jamoasi futbolchisini 40 million yevroga baholamoqda.

Yarim himoyachi joriy mavsumda “bo‘rilar” safida 36 ta o‘yinda maydonga tushib, 4 ta gol urdi va 2 ta golli uzatmani amalga oshirdi.