"Barselona" hujumchisi Usmon Dembele jamoani tark etishi mumkin.

Sports Es nashri xabariga ko‘ra, Dembelening agenti va "Barselona" rahbariyati shu hafta yakuniy qaror qabul qilish uchun uchrashadi.

Manbaning aytishicha, fors-major holatlar yuzaga kelmasa, hujumchi jamoani tark etadi.

25 yoshli futbolchi o‘tgan mavsumda 21 ta o‘yinda maydonga tushib, 1 ta gol va 13 ta golli uzatmani amalga oshirdi. Usmon Dembelening klub bilan shartnomasi 2022 yilning iyun oyi oxirida tugaydi. Transfermarkt portali xabariga ko‘ra futbolchining narxi 30 million yevroni tashkil qiladi.