"Milan" hujumchisi Rafael Leau Fransiyaning "PSJ" klubi qiziqish doirasiga tushdi. Adriyen Grenyening so‘zlariga ko‘ra, parijliklar portugaliyalikni kelasi mavsum hujum chizig‘ini kuchaytirish uchun nomzod sifatida ko‘rmoqda.
Leau ushbu mavsumda A Seriyada 11 ta gol va 8 ta golli uzatmani amalga oshirdi va bu ko‘plab top-klublarning e’tiborini tortdi. Portugaliyalikning "Milan" bilan shartnomasida ko‘rsatilgan tovon puli 150 million yevroni tashkil qiladi.
Eslatib o‘tamiz, kecha Leau "Milan" bilan A Seriyada chempionligini qo‘lga kiritdi.So‘nggi turdagi "Sassuolo"ga qarshi o‘yinda futbolchi sherigi Olivye Jiruga ikkita golli uzatmani amalga oshirdi.