"Chelsi" himoyachi Markos Alonsoni "Barselona"ga o‘tmoqchi bo‘lsa, uni o‘z safida qoldirmaydi.

Insayder Fabrisio Romanoning so‘zlariga ko‘ra, "ko‘k-anorranglilar" Ispaniya terma jamoasi futbolchisi uchun tovon puli miqdorini kelishib olishlari kerak.

Alonsoning "Chelsi" bilan shartnomasi kelasi mavsum oxirigacha amal qiladi, shuning uchun "ko‘klar" 31 yoshli futbolchi uchun katta summa talab qilmaydi.

Markosning o‘zi allaqachon Ispaniyaga qaytishga qaror qilgan.

2021/22 yilgi mavsumda Alonso londonliklar safida 42 ta o‘yinda maydonga tushib, 4 ta gol urdi va 5 ta golga assistentlik qildi.