Konferensiyalar ligasi finalida “Roma” “Feyenoord”ni 1:0 hisobida mag‘lub etdi.

“Roma” bosh murabbiyi Joze Mourinyo Chempionlar ligasi, Yevropa ligasi va Konferensiya ligasi finallarida jamoalari bilan g‘alaba qozongan tarixdagi birinchi murabbiyga aylandi.

U avvalroq “Manchester Yunayted” bilan Yevropa ligasida, “Inter” va “Portu” bilan esa Chempionlar ligasida g‘olib chiqqan.

Mourinyo shuningdek “Portu” bilan UEFA kubogini ham qo‘lga kiritgan.

59 yoshli portugaliyalik mutaxassis hech qachon yevrokubok finalida mag‘lub bo‘lmagan.