"Barselona" yarim himoyachisi Frenki de Yong ushbu mavsumda jamoani tark etish niyatida emas. Sport Witness nashri ma’lumotlariga ko‘ra, gollandiyalik futbolchi klubni faqat rahbariyat shaxsan o‘zi iltimos qilgan taqdirdagina tark etadi.
Oldinroq moliyaviy muammolar tufayli "Barselona" De Yongni sotishga majbur bo‘lishi mumkinligi xabar qilingandi. Transfermarkt portali xabariga ko‘ra, uning narxi 70 million yevroga baholanmoqda. Bosh murabbiy Xavi Ernandes futbolchining sotilishi mumkinligini inkor etmadi.
Hozirda De Yongga asosiy davogar "Manchester Yunayted" bo‘lib turibdi. "Manchester Yunayted"ning yangi bosh murabbiyi Erik ten Xagning shaxsan o‘zi transferni amalga oshirishga harakat qilmoqda.
