"Барселона" ярим ҳимоячиси Френки де Йонг ушбу мавсумда жамоани тарк этиш ниятида эмас. Sport Witness нашри маълумотларига кўра, голландиялик футболчи клубни фақат раҳбарият шахсан ўзи илтимос қилган тақдирдагина тарк этади.
Олдинроқ молиявий муаммолар туфайли "Барселона" Де Йонгни сотишга мажбур бўлиши мумкинлиги хабар қилинганди. Трансфермаркт портали хабарига кўра, унинг нархи 70 миллион еврога баҳоланмоқда. Бош мураббий Хави Эрнандес футболчининг сотилиши мумкинлигини инкор этмади.
Ҳозирда Де Йонгга асосий давогар "Манчестер Юнайтед" бўлиб турибди. "Манчестер Юнайтед"нинг янги бош мураббийи Эрик тен Хагнинг шахсан ўзи трансферни амалга оширишга ҳаракат қилмоқда.
