"Real" darvozaboni Tibo Kurtua Chempionlar ligasi finali doirasidagi "Liverpul"ga qarshi o‘yindan oldin o‘z fikrlari bilan o‘rtoqlashdi.

“Sakkiz yil oldin men birinchi marta Chempionlar ligasi finalida o‘ynaganman. O‘shanda g‘alaba qozonmagandim, lekin qachondir buni amalga oshirishga umid qilganman. Hamma g‘alaba qozonish va "Real Madrid" tarixiga o‘z hissasini qo‘shishni istaydi.

"Liverpul" 2018 yilda "Real" bilan finalda o‘ynagan edi, hozir hammasi boshqacha.

Bilamizki, "Real Madrid" finalga chiqsa, g‘alaba qozonadi", - deya Kurtua so‘zlarini keltiradi Marca.

2014 yilda Kurtua "Atletiko Madrid" bilan Chempionlar ligasi finalida "Real"ga 4:1 hisobida mag‘lub bo‘lgandi.

Chempionlar ligasi finali 28 may kuni Parijda bo‘lib o‘tadi va Toshkent vaqti bilan soat 00:00da boshlanadi.