"Реал" дарвозабони Тибо Куртуа Чемпионлар лигаси финали доирасидаги "Ливерпуль"га қарши ўйиндан олдин ўз фикрлари билан ўртоқлашди.
“Саккиз йил олдин мен биринчи марта Чемпионлар лигаси финалида ўйнаганман. Ўшанда ғалаба қозонмагандим, лекин қачондир буни амалга оширишга умид қилганман. Ҳамма ғалаба қозониш ва "Реал Мадрид" тарихига ўз ҳиссасини қўшишни истайди.
"Ливерпуль" 2018 йилда "Реал" билан финалда ўйнаган эди, ҳозир ҳаммаси бошқача.
Биламизки, "Реал Мадрид" финалга чиқса, ғалаба қозонади", - дея Куртуа сўзларини келтиради Маrcа.
2014 йилда Куртуа "Атлетико Мадрид" билан Чемпионлар лигаси финалида "Реал"га 4:1 ҳисобида мағлуб бўлганди.
Чемпионлар лигаси финали 28 май куни Парижда бўлиб ўтади ва Тошкент вақти билан соат 00:00да бошланади.
