«Барселона» бош мураббийи Ханс-Дитер Флик Миланнинг «Интер» клуби марказий ҳимоячиси Алессандро Бастонини трансфер қилиш ғоясини маъқулламади.
Яқинда маълум бўлишича, бир неча ҳафта олдин эришилган тахминий келишувга қарамай, «кўк-анорранглилар» италиялик футболчини сотиб олиш фикридан узил-кесил воз кечишган.
Журналист Маттео Мореттонинг хабар беришича, «Барса» устози спорт директори Декуга трансфер бозоридан «бошқача фазилатларга эга ҳимоячи» топишни топширган. Немис мутахассиси Бастони унинг тактик тизимига мос келмайди деган қарорга келди.
Мавжуд маълумотларга кўра, Каталония клуби «Интер» 27 ёшли футболчи учун сўраган маблағни тўлашни ҳам истамаган.
