«Барселона» ҳужумчиси Роберт Левандовски мавсум якунланганидан кейин клубни тарк этади. 37 ёшли польяк футболчиси тез орада жамоадан кетишини эълон қилиб улгурди — у эркин агентга айланади.

«Mundo Deportivo» нашри тарқатган маълумотларга кўра, «Барселона» раҳбарияти Левандовскининг ўрнини босиш учун янги топ-даражадаги ҳужумчи билан шартнома имзолашни мақсад қилган. Айни дамда ушбу позиция учун асосий номзодлар сифатида Хулиан Альварес («Атлетико»), Жоао Педро («Челси») ва Харри Кейн («Бавария») кўрилмоқда.

«Transfermarkt» портали экспертлари Альварес, Педро ва Кейннинг трансфер қийматини тегишли равишда 90, 75 ва 65 миллион еврога баҳолашмоқда.

Шанба куни Ханс-Дитер Флик шогирдлари мавсумнинг сўнгги учрашуви доирасида «Валенсия»га қарши майдонга тушишади.