"Sevilya" Jyul Kundening transferi bo‘yicha 65 million yevrodan kam mablag‘ga muzokaralar olib bormaydi, deb yozdi jurnalist Fabrisio Romano.
Manbaga ko‘ra, “Chelsi” tez orada fransiyalik futbolchi uchun ilk taklifini jo‘natadi.
Avvalroq Kundega "Barselona" va "Real"dan ham qiziqish borligi haqida xabar berilgandi.
23 yoshli fransiyalik futbolchining amaldagi shartnomasi 2024 yilgacha mo‘ljallangan. Transfermarkt portali futbolchining narxini 60 million yevroga baholamoqda.
Bu mavsumda Jyul barcha turnirlarda 44 ta o‘yin o‘tkazib, 3 ta gol urdi va 1 ta golli uzatmani amalga oshirdi.