"Vulverxempton" yarim himoyachisi Ruben Nevesh boshqa jamoaga o‘tishi mumkin, deb xabar beradi The Sun.

Manba bergan xabarga ko‘ra, 25 yoshli portugaliyalik futbolchiga "Manchester Yunayted" da’vogarlik qilmoqda va u futbolchi uchun "Barselona" bilan kurashishi kerak. Yarim himoyachining o‘zi Chempionlar ligasida o‘ynashni xohlashini aytdi.

O‘tgan mavsumda Nevesh 36 ta o‘yin o‘tkazib, 4 ta gol urdi va 2 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda.