Madridning “Real” klubi yarim himoyachisi Luka Modrich “Real” bilan shartnomasini uzaytirdi, deya xabar bermoqda jurnalist Fabrisio Romano.

Manbaga ko‘ra, 36 yoshli xorvat va “Real” o‘rtasida ikki oy oldin og‘zaki kelishuvga erishilgan va hozirda kerakli hujjatlar imzolangan.

Qayd etilishicha, yarim himoyachining klub bilan yangi shartnomasi 2022/23 yilgi mavsum yakuniga qadar tuzib chiqiladi.

Yaqin kunlarda shartnoma uzaytirilgani rasman e’lon qilinadi.

2021/22-yilgi mavsumda Modrich “Real” safida 45 ta o‘yinda maydonga tushib, 3 ta gol urdi va 12 ta golli uzatmani amalga oshirdi.