"Chelsi" yarim himoyachisi NGolo Kante yozgi transferlar vaqtida London klubini tark etishi mumkin. Bu haqda L'Equipe xabar berdi.

Manba bergan ma’lumotga ko‘ra, London klubi va 31 yoshli fransiyalik futbolchi bir necha oy davomida yangi shartnoma shartlarini muhokama qilishgan.

Aytishlaricha, yarim himoyachi "Chelsi"da baxtli, ammo uning klubdagi kelajagi noma’lumligicha qolmoqda.

Shu bilan birga, ko‘plab klublar londonliklarga Kantening transferi bo‘yicha so‘rovlar bilan chiqishmoqda.

Kante o‘tgan mavsumda "Chelsi" safida barcha turnirlar doirasida 42 o‘yinda 2 ta gol urdi va 5 ta golga assistentlik qildi. Yarim himoyachining London klubi bilan shartnomasi 2023 yilning 30 iyuniga qadar mo‘ljallangan.