"Челси" ярим ҳимоячиси НГоло Канте ёзги трансферлар вақтида Лондон клубини тарк этиши мумкин. Бу ҳақда L'Equipe хабар берди.
Манба берган маълумотга кўра, Лондон клуби ва 31 ёшли франциялик футболчи бир неча ой давомида янги шартнома шартларини муҳокама қилишган.
Айтишларича, ярим ҳимоячи "Челси"да бахтли, аммо унинг клубдаги келажаги номаълумлигича қолмоқда.
Шу билан бирга, кўплаб клублар лондонликларга Кантенинг трансфери бўйича сўровлар билан чиқишмоқда.
Канте ўтган мавсумда "Челси" сафида барча турнирлар доирасида 42 ўйинда 2 та гол урди ва 5 та голга ассистентлик қилди. Ярим ҳимоячининг Лондон клуби билан шартномаси 2023 йилнинг 30 июнига қадар мўлжалланган.
