Leonardo Bonuchchi Lionel Messining Italiya terma jamoasi haqidagi so‘zlariga munosabat bildirdi.

Argentinalik futbolchi Italiyaning bo‘lajak jahon chempionatida ishtirok etmasligidan afsusda ekanligini bildirdi.

“Biz Messidan yaxshi so‘zlar uchun minnatdormiz. Ammo u yerda o‘ynamagunimizcha, bu yara ochiq qoladi. Biz ko‘p xatolarga yo‘l qo‘ydik va aybni o‘z zimmamizga olishimiz kerak. Har bir o‘yinchi o‘ziga xos narsa deb hisoblaydigan turnirda o‘ynash uchun bizga nasib qilmadi.

Messiga kelsak, shuncha ko‘p "Oltin to‘p"ni qo‘lga kiritgan futbolchini ta’riflashga so‘z topish qiyin. U xuddi Krishtianu Ronaldu kabi dunyoning eng yaxshilaridan biri bo‘lgan va shunday bo‘lib qoladi. Unga katta hurmat bilan munosabatda bo‘lish kerak bo‘ladi”, - dedi italiyalik himoyachi “UYEmbli”da Argentinaga qarshi o‘yin arafasida.