Леонардо Бонуччи Лионель Мессининг Италия терма жамоаси ҳақидаги сўзларига муносабат билдирди.

Аргентиналик футболчи Италиянинг бўлажак жаҳон чемпионатида иштирок этмаслигидан афсусда эканлигини билдирди.

“Биз Мессидан яхши сўзлар учун миннатдормиз. Аммо у ерда ўйнамагунимизча, бу яра очиқ қолади. Биз кўп хатоларга йўл қўйдик ва айбни ўз зиммамизга олишимиз керак. Ҳар бир ўйинчи ўзига хос нарса деб ҳисоблайдиган турнирда ўйнаш учун бизга насиб қилмади.

Мессига келсак, шунча кўп "Олтин тўп"ни қўлга киритган футболчини таърифлашга сўз топиш қийин. У худди Криштиану Роналду каби дунёнинг энг яхшиларидан бири бўлган ва шундай бўлиб қолади. Унга катта ҳурмат билан муносабатда бўлиш керак бўлади”, - деди италиялик ҳимоячи “Уембли”да Аргентинага қарши ўйин арафасида.