"Milan" va Rafayel Leau shartnomani uzaytirish borasida muzokaralar olib bormoqda. Futbolchi kamida 7 million yevro olmoqchi, deydi jurnalist Nikolo Skira.

Manba bergan xabarga ko‘ra, 22 yoshli portugaliyalik uchun "Real", "PSJ" va "Manchester Siti" da’vogarlik qilmoqda. Biroq, "Milan" futbolchi bilan xayrlashishni rejalashtirmayapti, shu bois shartnomani uzaytirish bo‘yicha muzokaralarni davom ettirmoqda.

Oldinroq Leau va uning agenti Xorxe Mendesh yiliga 4,5 million yevro maosh oladigan shartnomani rad etib, 7 million so‘ragandi. Biroq milanliklar 6 million to‘lashga tayyor.

Forvardning amaldagi shartnomasi ikki yildan keyin tugaydi. 2021/22 yilgi mavsumda u 42 uchrashuvda 14 ta gol urdi va 12 ta golli uzatmani amalga oshirdi.