"Милан" ва Рафаел Леау шартномани узайтириш борасида музокаралар олиб бормоқда. Футболчи камида 7 миллион евро олмоқчи, дейди журналист Николо Скира.

Манба берган хабарга кўра, 22 ёшли португалиялик учун "Реал", "ПСЖ" ва "Манчестер Сити" даъвогарлик қилмоқда. Бироқ, "Милан" футболчи билан хайрлашишни режалаштирмаяпти, шу боис шартномани узайтириш бўйича музокараларни давом эттирмоқда.

Олдинроқ Леау ва унинг агенти Хорхе Мендеш йилига 4,5 миллион евро маош оладиган шартномани рад этиб, 7 миллион сўраганди. Бироқ миланликлар 6 миллион тўлашга тайёр.

Форварднинг амалдаги шартномаси икки йилдан кейин тугайди. 2021/22 йилги мавсумда у 42 учрашувда 14 та гол урди ва 12 та голли узатмани амалга оширди.