Argentina terma jamoasi darvozaboni Emiliano Martines Italiya terma jamoasiga qarshi o‘yindan oldingi fikrlari bilan o‘rtoqlashdi.

"Finalissima" yoki qit’a chempionlari o‘yini 1 iyun kuni Londonda Toshkent vaqti bilan soat 23:45da boshlanadi. Eslatib o‘tamiz, Italiya Yevro-2020 g‘olibi, Argentina esa Amerika Kubogi-2021 sohibi hisoblanadi.

“Braziliyada bo‘lib o‘tgan Amerika kubogi finalida o‘ynash noyob tajriba bo‘ldi. Angliyadagi yangi final ham o‘ziga xos holat. Albatta, raqib braziliyaliklardan kuchsiz emas. Bular oxirgi Yevropa chempionati g‘oliblari. Oldinda bizni ajoyib o‘yin kutib turibdi. Angliyada ko‘plab argentinaliklar yashaydi, shuning uchun bu biz uchun alohida kurash.

Italiya terma jamoasi juda qiyin raqib. U Yevro-2020da ajoyib o‘yin ko‘rsatdi. Italiyaliklarga Jahon chempionati saralashida omad kulib boqmadi, biroq ular Qatardagi turnirga yo‘l olishsa, asosiy favoritlardan biri bo‘lishardi. Ajoyib futbolchilarga ega ajoyib jamoa», - dedi Martines UYEFA rasmiy saytiga.