Rimning “Roma” klubiga tegishli bo‘lgan “Aston Villa”ning shvesiyalik darvozaboni Robin Olsen tez orada Birmingem klubining to‘laqonli o‘yinchisiga aylanadi. Bu haqda jurnalist Fabrisio Romano xabar berdi.
Manbaga ko‘ra, "Aston Villa" o‘yinchini 3,5 million yevroga sotib olish bandini faollashtiradi.
"Villa" Robin Olsenni 2022 yilning yanvarida "Roma"dan ijaraga olgandi. Birmingem klubida olti oy davomida darvozabon bitta o‘yin o‘tkazdi va o‘z darvozasidan uchta gol o‘tkazib yubordi.
Transfermarkt portali shvesiyalik 32 yoshli darvozabonning bozor qiymatini 2 million yevroga baholamoqda.
