Римнинг “Рома” клубига тегишли бўлган “Астон Вилла”нинг швециялик дарвозабони Робин Ольсен тез орада Бирмингем клубининг тўлақонли ўйинчисига айланади. Бу ҳақда журналист Фабрицио Романо хабар берди.
Манбага кўра, "Астон Вилла" ўйинчини 3,5 миллион еврога сотиб олиш бандини фаоллаштиради.
"Вилла" Робин Ольсенни 2022 йилнинг январида "Рома"дан ижарага олганди. Бирмингем клубида олти ой давомида дарвозабон битта ўйин ўтказди ва ўз дарвозасидан учта гол ўтказиб юборди.
Transfermarkt портали швециялик 32 ёшли дарвозабоннинг бозор қийматини 2 миллион еврога баҳоламоқда.
