"Napoli" va Italiya terma jamoasi himoyachisi Jovanni Di Lorenso Finalissimada argentinaliklardan uchralgan mag‘lubiyatdan keyin jurnalistlar bilan o‘z his-tuyg‘ulari bilan o‘rtoqlashdi.

Di Lorenso katta o‘yinlarda mag‘lub bo‘lish har doim yoqimsizligini, ammo oldinda o‘zingni eng yaxshi tomonlarini ko‘rsata oladigan boshqa janglar bo‘lishini aytdi. Himoyachi ularda ko‘p narsaga qodir yosh va iqtidorli jamoa borligini ta’kidladi.

"Biz o‘z g‘oyalarimizni davom ettirishimiz va birdam bo‘lishimiz kerak", - deya qo‘shimcha qildi Di Lorenso.

Eslatib o‘tamiz, Roberto Manchini boshchiligidagi Italiya terma jamoasi argentinaliklarga yirik 0:3 hisobida mag‘lub bo‘lgandi.