Argentinalik yarim himoyachi Anxel di Mariya jurnalistlarga Argentina terma jamoasi uchun burilish nuqtasi bo‘lgan narsa haqida gapirib berdi.
Di Mariya Amerika Kubogidagi g‘alabadan keyin jamoa uchun hammasi o‘zgarganini, shundan so‘ng futbolchilarning yelkalaridan og‘irlik ko‘tarilgandek bo‘lganini aytdi. Yarim himoyachi hozir Argentina termasi o‘z o‘yinidan rohat olayotgani va futboldan haqiqiy zavq olayotgani natijalarda yaqqol sezilayotganini ta’kidladi.
Eslatib o‘tamiz, Argentina terma jamoasi Finalissimada italiyaliklar ustidan ishonchli tarzd g‘alaba qozongan edi. Di Mariya kiritilgan uchta goldan birining muallifiga aylandi.
