Аргентиналик ярим ҳимоячи Анхель ди Мария журналистларга Аргентина терма жамоаси учун бурилиш нуқтаси бўлган нарса ҳақида гапириб берди.

Ди Мария Америка Кубогидаги ғалабадан кейин жамоа учун ҳаммаси ўзгарганини, шундан сўнг футболчиларнинг елкаларидан оғирлик кўтарилгандек бўлганини айтди. Ярим ҳимоячи ҳозир Аргентина термаси ўз ўйинидан роҳат олаётгани ва футболдан ҳақиқий завқ олаётгани натижаларда яққол сезилаётганини таъкидлади.

Эслатиб ўтамиз, Аргентина терма жамоаси Финалиссимада италияликлар устидан ишончли тарзд ғалаба қозонган эди. Ди Мария киритилган учта голдан бирининг муаллифига айланди.