Pol Pogba "MYU"dan rasman ketdi. Ketganda ham erkin agent sifatida ketdi. Aytish mumkinki, yozdagi eng mashhur, ammo tekin transfer Pogba bo‘ladi. Futbolchi uchun klubdagi ikkinchi davr oson bo‘lmadi. Quyida u uchun ehtimoliy manzillar variantlarini ko‘rib chiqamiz.
"Yuventus"
Bir qarashda eng qulay va to‘g‘ri tanlov aynan Turin klubi bo‘lib tuyuladi. Bir paytlar Pogba, aynan "Yuventus"da cho‘qqiga chiqqandi. O‘sha paytlar Allegri jamoani boshqargan. Bugun u yana shu yerda. Pogba esa sobiq ustoziga yordam berish uchun oshiqishi mumkin. Shu va shu kabi omillari ta’sirida "Yuventus"ni eng yaxshi variant sifatida ko‘rmoqdamiz.
"PSJ"
Parij giganti o‘tgan yozda sensasion transferni amalga oshirib, hammani hayratda qoldirgandi. Kimsan, Messi "PSJ"ga o‘tishga rozi bo‘lgan. Qolaversa, parijliklar uni tekinga qo‘lga kiritdi. Shuningdek, Viynaldum, Donarrumma, Ramos kabi katta nomlar ham jamoaga erkin agent sifatida kelib qo‘shilgandi. Bugun esa "PSJ" Pogbaning ham masalasini ijobiy hal qilishi mumkin.
"Real"
Faktlardan uzoqlashmagan holda aytish kerakki, "Real" yarim himoyasi Modrich hamda Kroosga topshirilgan va bu pozisiyada biroz yangilik qilish, yangi nom, jamoaga foyda keltiradi. Nisbatan yoshroq Pogba esa, aynan o‘sha futbolchi bo‘lishi mumkin. "Qirollik klubi"ning ikki titulni qo‘lga kiritishi, Pogbani u yerga jalb qilishda yordam beradi. Modrich 36 yoshdaz Kroos esa 33 ga kiradi. Bu esa ularga o‘rinbosar kerakligini anglatadi. Hech bo‘lmasa, qisqa vaqtga. Boz ustiga, Pogbaning moashini to‘lash "Real" uchun muammo bo‘lmaydi.
"Manchester Siti"
Yaqin bir oy ichida "Manchester Siti" Pogbaga qiziqa boshlagani haqida mish-mishlar paydo bo‘lgan edi. Biroq aniq aytish mumkinki, Pogba Gvardiola dididagi futbolchi emas. Qolaversa, Polning o‘zi ham "MYU"ning ashaddiy raqibiga transfer bo‘lishni ma’qul ko‘rmasa kerak. Shu sababdan bu ko‘chish, deyarli imkonsiz.
"Barselona"
Ushbu klubning moliyaviy ahvoli, uning transferlar siyosatiga ham ta’sir qilmay qolmadi. Endilikda "Barselona" o‘ta tajribali, yulduz hamda tekin futbolchilarga e’tibor qarata boshladi. Aguero, Obameyang hamda Depay aynan shunday nomlardir. Aytish mumkinki, Pogba yuqoridagi aspektlarning barchasiga mos keladi. Ammo ayni damda "Barsa" o‘zi sotib olmoqchi bo‘lgan o‘yinchilarni ro‘yxatdan o‘tkazishga qiynalmoqda. Bunga esa liq to‘la tarkib va iqtisodiy qiyinchiliklar sabab bo‘ladi. Ha, Pogba "Barselona"ga mos kelishi mumkindir. Ammo klubning ayni damdagi holati Pogbaning jamoaga kelishini "xato ish"ga aylantiradi. Yana kim biladi deysiz...
Jaloliddin ISMATOV tarjimasi
