"Lasio" va "Napoli" yarim himoyachilar Luis Alberto va Petr Ziyelinskini almashish imkoniyatini ko‘rib chiqmoqda, deb xabar beradi Gazetta dello sport.
Manbaga ko‘ra, o‘tgan mavsumda Luis Alberto rimliklar bosh murabbiyi Maurisio Sarri bilan tez-tez janjallashgan, chunki yarim himoyachi jamoaning o‘yin uslubiga mos kelmagan.
O‘z navbatida Ziyelinski o‘tgan mavsumdagi o‘yin vaqtidan norozi.
2021/22 yilgi mavsumda 28 yoshli polyak “Napoli” safida barcha turnirlar doirasida 42 ta o‘yinda maydonga tushib, 8 ta gol urdi va 5 ta golli uzatmani amalga oshirdi. Uning shartnomasi 2024 yilning iyunida yakuniga etadi.
29 yoshli ispaniyalik Alberto 44 uchrashuvda maydonga tushib, 5 ta gol urdi va 12 ta golli uzatmani amalga oshirdi. Yarim himoyachining shartnomasi 2025 yilning iyunigacha amal qiladi.
