"Лацио" ва "Наполи" ярим ҳимоячилар Луис Алберто ва Петр Зиелинскини алмашиш имкониятини кўриб чиқмоқда, деб хабар беради Gazetta dello sport.
Манбага кўра, ўтган мавсумда Луис Алберто римликлар бош мураббийи Маурицио Сарри билан тез-тез жанжаллашган, чунки ярим ҳимоячи жамоанинг ўйин услубига мос келмаган.
Ўз навбатида Зиелински ўтган мавсумдаги ўйин вақтидан норози.
2021/22 йилги мавсумда 28 ёшли польяк “Наполи” сафида барча турнирлар доирасида 42 та ўйинда майдонга тушиб, 8 та гол урди ва 5 та голли узатмани амалга оширди. Унинг шартномаси 2024 йилнинг июнида якунига этади.
29 ёшли испаниялик Алберто 44 учрашувда майдонга тушиб, 5 та гол урди ва 12 та голли узатмани амалга оширди. Ярим ҳимоячининг шартномаси 2025 йилнинг июнигача амал қилади.
