"Levante" hujumchisi Xose Luis Morales "Vilyarreal"ga o‘tadi, deb xabar beradi COPE.
Manbaga ko‘ra, "sariq suv osti kemasi" 34 yoshli ispaniyalik futbolchiga 2 yillik shartnoma taklif qilgan.
Morales “Levante” safida 2014 yildan buyon to‘p tepadi. U klub safida 311 ta o‘yinda maydonga tushib, 69 ta gol urgan.
Hujumchi o‘tgan mavsumda Valensiya shahri klubi safida La Ligada 35 ta o‘yinda maydonga tushib, 13 ta gol urdi va 7 ta golga assistentlik qildi. Futbolchi ikkala ko‘rsatkich bo‘yicha ham jamoaning eng yaxshi futbolchisiga aylandi.
"Levante" o‘tgan mavsumda La Ligada ikkinchi divizionga tushib ketdi.
Moralesning klub bilan shartnomasi 2023 yilning iyunida yakuniga yetadi.