“Shaxtyor” yarim himoyachisi Manor Solomon faoliyatini Italiyada davom ettirishi mumkin, deya xabar bermoqda jurnalist Nikolo Skira.

Manbaga ko‘ra, 22 yoshli isroillik futbolchiga "Torino" da’vo qilmoqda. Oldinroq "Fulxem" bilan muzokaralar olib borilayotgani haqida xabar berilgandi, ammo London klubi bilan kelishuv barbod bo‘ldi.

O‘tgan mavsumda Solomon "Shaxtyor" tarkibida 23 ta o‘yinda maydonga tushib, 4 ta gol urdi va golli uzatmani amalga oshirdi.

Transfermarkt portali futbolchining narxini 18 million yevroga baholamoqda.