Madridning “Real” klubi vakillari UYEFA rahbarlaridan Yevropa Chempionlar Ligasi finalini o‘tkazish uchun Parij tanlangani sabablarini tushuntirishni talab qilmoqda.
“Qaymoqranglilar”ning rasmiy saytida UYEFAga murojaat bo‘lgan. "Qirollik klubi" shahar va stadionni tanlashda qanday mezonlarga e’tibor berilganini bilmoqchi. Madridning “Real” klubi ham futbol bayramining qayg‘uli voqeaga aylangani va ko‘plab muxlislar yordamsiz qolib ketganiga kim mas’ul ekanini bilmoqchi.
Eslatib o‘tamiz, dastlab Chempionlar ligasi finali Sankt-Peterburgda bo‘lib o‘tishi kerak edi, biroq Ukrainadagi vaziyat tufayli o‘yin Parijga, "Stad de Frans" stadioniga ko‘chirildi. Stadion oldidagi tartibsizliklar tufayli final bahsi kechikish bilan boshlangan edi.
