Мадриднинг “Реал” клуби вакиллари УЕФА раҳбарларидан Европа Чемпионлар Лигаси финалини ўтказиш учун Париж танлангани сабабларини тушунтиришни талаб қилмоқда.
“Қаймоқранглилар”нинг расмий сайтида УЕФАга мурожаат бўлган. "Қироллик клуби" шаҳар ва стадионни танлашда қандай мезонларга эътибор берилганини билмоқчи. Мадриднинг “Реал” клуби ҳам футбол байрамининг қайғули воқеага айлангани ва кўплаб мухлислар ёрдамсиз қолиб кетганига ким масъул эканини билмоқчи.
Эслатиб ўтамиз, дастлаб Чемпионлар лигаси финали Санкт-Петербургда бўлиб ўтиши керак эди, бироқ Украинадаги вазият туфайли ўйин Парижга, "Стад де Франс" стадионига кўчирилди. Стадион олдидаги тартибсизликлар туфайли финал баҳси кечикиш билан бошланган эди.
