"Manchester Siti" va Ukraina terma jamoasi yarim himoyachisi Aleksandr Zinchenko ukrainaliklarning Uelsga qarshi o‘yinidan oldingi fikrlari bilan o‘rtoqlashdi.
"Biz hammamiz tushunamizki, Uelsga qarshi o‘yin endi jismoniy holat yoki taktikaga bog‘liq bo‘lmaydi, bu hayot-mamot o‘yini bo‘ladi. Maydonga tushgan har bir kishi oxirigacha kurashadi, g‘alaba qozonish uchun bor kuchini beradi. Biz vatanimiz uchun o‘ynaymiz" - dedi Zinchenko.
5 iyun kuni Ukraina terma jamoasi pley-off turniri finalida Uelsga qarshi bahs olib boradi. Bu bahsda g‘olib chiqqan jamoa 2022 yilgi jahon chempionatiga yo‘l oladi.
