“Real” klubini tekinga tark etayotgan yarim himoyachi Isko maosh talabi yuqori bo‘lgani uchun o‘ziga yangi klub topa olmayapti, deb xabar beradi Sport.es.

"Real Madrid" allaqachon 30 yoshli hujumkor yarim himoyachining ketishini e’lon qilgan va u bilan shartnomani uzaytirmaslikka qaror qilingan.

Iskoga Ispaniyaning “Sevilya”, “Valensiya” va “Betis”, shuningdek, Italiyaning “Roma” klublari qiziqish bildirishgan, biroq to‘rtta klub ham futbolchining maoshi talabini qondirishga tayyor emas.

Isko "Real"da olgan maoshini - yiliga taxminan 7 million yevroni saqlab qolmoqchi.

2021/22 yilgi mavsumda futbolchi barcha musobaqalarda jamoasi uchun 17 ta o‘yinda 2 ta gol urdi.